Tre persona të dyshuar si vrasës me pagesë janë arrestuar nga Policia e Durrësit, në mesditë, në një operacion të organizuar në disa zona të qytetit bregdetar.
Burime zyrtare nga Policia e Durrësit bëjnë me dije se, është bërë i mundur parandalimi i një vrasje, por pa detajuar se kush ishte shënjestra.
Policia ka bërë të mundur sekuestrimin e armëve, makinës në të cilën autorët kishin dhe një bidon me benzinë, për të djekur mjetin pasi të realizonin vrasjen, si dhe foton e shenjestrës.
Aktualisht, policia ka shpallur në kërkim dy persona të tjerë, të dyshuar si porositësit e vrasjes, ndërsa po kryen kontrolle në banesat e autorëve.
Të arrestuarit janë nga Shijaku dhe janë pjesë e një grupi që dyshohet se është përfshirë në ngjarje të tjera kriminale.
Goditja e këtij grupi vjen pas dy ngjarjeve të bujshme kriminale, të ndodhura brenda një harku të shkurtër kohor në Durrës.
Më 20 Dhjetor, mbetën të vrarë Ervin Kodra dhe Endri Çaushaj, ndërsa më 7 Janar u gjet i ekzekutuar Gazmend Çollaku, i cili ishte rrëmbyer një natë më parë. Policia sqaroi së vrasësit me pagesë të arrestuar nuk kanë lidhje me këto dy ngjarje. /Tv Klan/
