Ministrja e Jashtme gjermane, Annalena Baerbock, nëpërmjet një postimi në platformën “X” ka komentuar arrestimin e dy spiunëve ruso-gjermanë në Gjermani ditën e sotme.
Ajo shprehet se nuk do ta lejojnë Putinin që të sjellë në shtetin gjerman terrorizmin e tij.
“Dyshimi se Putini po punëson agjentë nga ne për sulme në territorin gjerman është jashtëzakonisht serioz. Ne nuk do ta lejojmë Putinin të sjellë terrorizmin e tij në Gjermani”, ka shkruar Baerbock.
Kujtojmë se ditën e sotme janë arrestuar dy spiunë ruso-gjermanë të cilët po planifikonin sulme në infrastrukturën ushtarake dhe objektet industriale në Gjermani për të sabotuar ndihmën për Kievin.
