Agjencia Kombëtare e Shoqërisë së Informacionit ka reaguar lidhur me arrestimin e punonjëses Erisa Fero, e cila u kap me 58 kg drogë nga Policia e Pogradecit.
Sipas njoftimit të AKSHI, për Feron kanë nisur procedurat e shkarkimit të saj nga puna, e cila ishte punonjëse pranë sektorit përkatës të e-Albania, në nivelin Specialiste.
Njoftimi i plotë:
Në vijim të deklaratës së Drejtorisë Vendore të Policisë së Korçës, për finalizimin e operacionit “Restart”, me arrrestimin e 3 shtetasve, ndër të cilët dhe znj. Erisa Fero, AKSHI njofton se: bazuar në legjislacionin shqiptar në fuqi (Kodi i Punës), ka nisur menjëherë procedurën për shkarkimin nga puna të këtij personi.
Znj. Erisa Fero, ishte punonjëse pranë sektorit përkatës të e-Albania, në nivelin Specialiste.
Agjencia Kombëtare e Shoqërisë së Informacionit, dënon çdo akt të kundra ligjshëm dhe siguron se do të jetë gjithmonë mbështetës në proceset e institucioneve që veprojnë në mbrojtje të ligjit.
