Bashkimi Evropian e ka cilësuar si “ekstremisht shqetësuese” arrestimin në Turqi të akademikëve që ishin nënshkruar një peticion me të cilin denoncoheshin operacionet ushtarake kundër kryengritësve kurdë në pjesën juglindore të vendit.
“Hapat e ndërmarrë kundër akademikëve turq, që e kishin nënshkruar deklaratën lidhur me pjesën juglindore të Turqisë, është zhvillim ekstremisht shqetësues”, thuhet në kumtesën e BE-së.
Më tethej ksohet se “ata tashmë nuk janë të burgosur, por procedurat kundër tyre vazhdojnë”.
Media turke kanë raportuar dje se, 27 akademikë janë akuzuar për propagandë terroriste se e kanë nënshkruar deklaratën e titulluar “Ne Nuk Do të Jemi Palë në Këtë Krim, me të cilën kërkohet që Ankaraja t’i ndalë ‘masakrat e qëllimshme dhe dëbimin e kurdëve dhe popujve të tjerë në rajon'”.
Akademikët ishin marrë në pyetje dhe pastaj janë liruar, raporton agjencia e lajmeve “Dogan”.
