Deputeti i PD-së, Dashnor Sula kërkoi që të respektoheshin procedurat parlamentare, pas debatit Braçe-Bardhi që agravoi në ofendime dhe fyerje.
Sula theksoi se mazhoranca duhet të japë llogari, në vend që të ofendojë deputetët e opozitës.
Ai tha se nuk mund të respektonte një pjesë të politikanëve që sipas tij janë të arrestuar, siç është dhe ish-ministri i Shëndetësisë, Ilir Beqaj.
Pjesë nga debati:
Sula: Kërkoj urgjentisht nga ju si kryetare e Kuvendit të respektoni Rregulloren për fyerjen me fjalë të ndyra që një deputet socialist i bëri zotit Bardhi.
Nikolla: Të gjithë ju e dëgjuat fyerjen që zoti Bardhi bëri, mori tërheqje vëmendje.
Sula: E drejtë e çdo deputeti të bëjë politikë por jo të fyejë njeri. Kam që në 2005 në Kuvend nuk kam bërë asnjëherë një fyerje personale, ndërsa nga mazhoranca është bërë e modës.
Ç’po themi më shumë nga sa po bëhet sot? Sot do të ishte dita që të gjithë deputetët e mazhorancës, i respektoj disa prej tyre që nuk janë të korruptuar, Sot keni një ish ministër, priten edhe ish ministër tjetër e ish kryetar bashkisë sërish në pranga. Në vend të jepni llogari ofendoni deputetët e opozitës.
