Pasi GJKKO konfirmoi masën ‘arrest me burg’ për 6 të arrestuarit nga operacioni ‘Metamorfoza’, avokati i çështjes, Ylli Manjani ka folur në një prononcim për mediat.
Sipas Ylli Manjanit, Prokuroria s’ka asnjë provë konkrete dhe se është nxituar.
Ai thotë se të gjitha janë spekulime dhe indicia, pasi klientët e tij janë persona nën hetim.
“E para e punës dua t’iu them që s’ka asnjë akuze zyrtare në çastet që flasim. Statusi legal dhe procedural i Gjokës është se asnjëri i atyre është i pandehur. Duke mos qenë i pandehur s’ka as akuza. Në kor aty mendojmë që gjithë kjo ka nisur mbi incident policore, nuk janë përgjime. Çkodimi nuk është përgjim. Nuk ka asnjë provë që asnjë klienti im të ketë lidhje me ato. S’është kap asgjë. Të gjitha janë spekulime, Prokuroria ishte qartë, janë indicie dhe persona nën hetim. Janë indicie me letërporosi nga Franca.
Mos merrni njerëzit më qafë, janë të gjitha spekulime. Prokuroria në pikëpamjen time, është treguar premtuare dhe e papjekur sepse ka nxituar me masë. Në vend që të hetonte kërkon prova shtesë për ato që thotë”, tha Manjani.
Të akuzuarit u shoqëruan sot në gjykatë për tu njohur me masën e sigurisë për 12 vepra penale të ngritura nga Prokuroria e Posaçme ndaj tyre, nga grupi i strukturuar kriminal, korrupsioni, shpërdorimi i detyrës e deri te pastrimi i parave./Opinion.al
