“Policia nuk merr udhëzime as nga kryeministri, as nga ministri. Policia merr udhëzime nga ligji”. Ka qenë kjo deklarata e ministrit të Brendshëm, Sandër Lleshaj i pyetur nga gazetarët mbi arrestimin e Vangjush Dakos.
Kryedemokrati Lulzim Basha deklaroi të hënën në mbrëmje se po përgatitet arrestimi i kreut të Bashkisë Durrës, por kjo gjë sipas tij nuk e shpëton dot kryeministrin Edi Rama nga përgjegjësia ligjore për vjedhjen e votave.
“Ajo që dua të ndaj me ju një paralajmërim i qartë dhe i prerë për Edi Ramën. Asnjë përpjekje fasadë nuk e shpëton nga përgjegjësia ligjore që ka. Është kapur duke vjedhur zgjedhje me bandat. Orët e fundit janë intensifikuar me lajme se po përgatitet arrestimi i Vangjush Dakos. Dosja 339 faktoi se ai dhe zyrtarë të tjerë janë kapur duke vjedhur vota”, deklaroi Basha./ G.F Opinion.al
