Policia e Tiranës ka reaguar zyrtarisht për arrestimin e mbrëmshëm të avokatit të njohur Genc Gjokutaj.
Keshtu, ne njoftimin zyrtar, Policia thotë se Gjokutaj nuk i ka ndaluar sinjalit të uniformave blu, ka refuzuar testin e alkoolit dhe ka ofenduar punonjësit e Policisë. Kjo nuk është hera e parë që Gjokutaj ndalohet nga Policia dhe ka probleme me efektivët e rendit.
NJOFTIMI
Më datë 17.12.2016, u arrestua shtetasi: – Genc Gj., 49 vjeç, banues në Tiranë. Ky shtetas rreth orës 20:20, tek Sheshi “Nënë Tereza”, duke drejtuar automjetin tip “Mercedes Benz”, nuk i është bindur sinjalit të Punonjësit të Policisë Rrugore, për të ndaluar. Shërbimet e policisë i janë vënë në ndjekje dhe pasi e kanë ndaluar i kanë kërkuar dokumentat e mjetit. Genc Gj. nuk ka pranuar ti japë dokumentat punonjësit të policisë por ka filluar ti ofendojë ata. Ndodhur në këto kushte punonjësit e policisë e kanë shoqëruar sëbashku me mjetin në ambjentet e policisë për kryerjen e veprimeve të nevojshme proceduriale. Ky shtetas dyshohet se drejtonte mjetin nën ndikimin e alkoolit dhe i është marrë kampion gjaku pasi ka refuzuar të kryej testin e alkoolit me aparatin drager. Materialet proceduriale do ti kalojnë Prokurorisë pranë Gjykatës së shkallës së parë Tiranë, për veprat penale “Mosbindja ndaj urdhrit të punonjësit të policisë së rendit publik” dhe “Drejtimi i automjeteve në gjendje të dehur apo pa dëshmi”, parashikuar nga Nenet 242 dhe 291 të Kodit Penal.
NGJARJA
Policia e Tiranës ka arrestuar dje në mbrëmje avokatin e njohur Genc Gjokutaj. Burimet thanë për “Panorama” se avokati i njohur, i cili nuk e ka për herë të parë problemin me Policinë sa i takon shkeljes së rregullave të qarkullimit rrugor, i ka ikur Policisë e cila i ka kërkuar të ndalojë për një kontroll mbrëmjen e djeshme.
Më pas ai është ndaluar teksa drejtonte makinën e tij pranë stadiumit “Qemal Stafa”, ku ka bërë testin e parë të alkoolit i cili ka dalë shumë i lartë. Në këtë moment Gjokutaj ka refuzuar te beje testin e dyte, ka dale nga automjeti dhe ka nisur te shaje efektivet e Policise se Rrugores. Me pas ai eshte ndaluar dhe shoqeruar ne Drejtorine e Policise se Tiranes ku i eshte komunikuar edhe arrestimi.
Disa muaj me pare, ne nje video te Policise se Shtetit, nga kontrollet ne rruge, Gjokutaj u pa teksa debatonte me policin, pasi ai i hoqi patentën për tejkalim shpejtësie. Gjokutaj ka mbrojtur disa çështje si çështjen e biznesmenit Rahman Selmanllari, çështjen e biznesmenit serboboshnjak Damir Fazlliç, çështjen e ishministrit të Kulturës Ylli Pango, çështjen e ishkreut të aviacionin civil Gazmend Dibra, dhe çështjen e ish kryeministrit Fatos Nano, të ishkryebashkiakut të Dibrës, Shukri Xhelili dhe të ish ministrit Spiro Ksera./ Panorama.al Etleva Delia
