Janë arrestuar Kamëz mëngjesin e sotëm dy shtetas të cilët hiqeshin si polic ndërsa një i tretë është shpallur në kërkim. Kallëzimi në Policinë e Kamzës ka ardhur nga dy drejtues automjetesh të cilët janë paraqitur në Komisariatin Nr 5 dhe kanë deklaruar se “Më datë 18.03.2016 në territorin e Komisariatit Kamëz, tre shtetas të panjohur kanë ndaluar dy drejtuesit e sipërpërmendur duke u paraqitur si punonjës policie (civil) dhe u kanë kërkuar fillimisht të bënin kontroll të mjeteve dhe më pas i kanë kërcënuar me fjalë drejtuesit me qëllim që ata tu jepnin lekët që kishin me vehte.
Drejtuesit e mjeteve kanë kundërshtuar për të dyja kërkesat e tyre dhe ata janë larguar.
Nga ana shërbimeve të Komisariatit të policise Nr.5-Tiranë, brenda pak orësh është bërë i mundur identifikimi i automjetit dhe identifikimi i personave që kishin kryer këtë veprim të kundraligjshëm.
Pas veprimeve të shpejta hetimore, u identifikua automjeti me të cilin u larguan autorët e dyshuar ,që ishte tip “Ford” me targa AA 551 LI.
Personat e ndaluar janë, Halil Topalli, 22 vjeç, banues në fshatin Tapizë të rrethit Krujë, i dënuar më parë për veprën penale të “Vjedhjes me dhunë” si edhe Shaban Topalli, 33 vjeç, banues në fshatin Tapizë, Krujë.
