Avokati i Sali Berishës, Genc Gjokutaj ka reaguar ndaj masës së kërkuar nga SPAK për ish-kryeministrin që është ‘arrest shtëpie’ me mbikëqyrje policore.
Në një deklaratë për media thotë se masa e arrestit shtëpiak mund të vendoset për persona të rrezikshëm dhe nuk krahasohet me rastin e Berishës.
“Në asnjë rast ligji nuk parashikon mbikëqyerje ligjore. Arresti shtëpiak është detyrim i atij ndaj të cilit vendoset, mund ta ketë bërë policia për persona të rrezikshëm, por nuk krahasohet me rastin e Berishës”, u shpreh përfaqësuesi ligjor i ish-kryeministrit.
Teksa u pyet nga gazetarët se ku do e kryejë Berisha masën e sigurisë nëse caktohet “arrest shtëpie”, ai tha:
“Kërkesa e SPAK është në banesë. S’kemi paraqitur kërkesë tjetër, kur ta bëjmë do të njoftohet.” /Opinion.al
