Gjykata e Durrësit ka pranuar kërkesën e prokurorisë për arrestimin e përkohshëm të Astrit Keçit, për qëllim ekstradimi në Itali.
Gjykata e Apelit në Milano e ka dënuar Astrit Keçin në 9 Shkurt 2016 me 30 vjet burgim, për veprën penale “Organizatë kriminale me qëllim trafikimi të lëndëve narkotike”.
Por ky dënim është dhënë në mungesë, pasi Keçi kishte mundur të largohej ilegalisht nga Italia më herët, raporton AbcNews.
Pasi u njoh me akuzën, trupi gjykues në një seancë të zhvilluar me dyer të mbyllura caktoi masën arrest me burg me qëllim ekstradimi.
49-vjecari Astrit Keçi u arrestua nga policia tre ditë me parë në Shijak për llogari të shtetit italian, pasi ishte i shpallur në kërkim ndërkombëtar.
