Gardiania zvicerane që i hapi qelinë të burgosurit me të cilin u dashurua dhe u arratisën bashkë, kishte qenë në lidhje me një shqiptar, shkruan gazeta bulevardeske «Blick».
Angela Magdici, 32vjeçare, dhe Hasan Kino, 27 vjeçar, ende janë në arrati. Përkundër përpjekjeve të policisë ende nuk është zbuluar ndonjë gjurmë e tyre. Në fillim të javës gardiania e burgut Magdici i hapi qelinë sirianit Hasan Kiko – dhe që të dy ikën në drejtim të panjohur. Mediat supozojnë se ata janë një çift i dashuruar. Duket se ata do ta presin ditën e Shën Valentinit në liri.
Kiko ishte i dënuar për dhunim dhe vepra të tjera. Ndërkohë gazeta bulevardeske «Blick» pretendon se ka zbuluar se rojtarja e qelive Angela Magdici para disa vitesh ka qenë e dashuruar në një shqiptar nga Kosova. «Për shkak të marrjes me drogë ai (kosovari) kishte rënë përherë në konflikt me ligjin. Ajo u njoh me të kur punonte në një firmë për transportin e pakove, nderkohe qe ai i kishte sjelle nje pako. Vëllai i tij ndodhej në burgun Pöschwies në Regensdorf të kantonit të Zürichut. Ai e kishte vrarë gruan e tij me një plumb në kokë. Magdici dëshironte të lidhej bashkë me vrasësin në biznesin e pasurive te patundshmërive.
Ajo do te përfaqësonte firmën, ai do t’i financonte pazaret me para të pista. Në vitin 2013 Magdici u njoh me burrin e saj V. Ai i kishte thënë asaj të mos bëjë biznese me këtë tip të dyshimtë», shkruan «Blick». Kjo gazetë njofton se me gjasë Angela Bagdici nuk kishte vazhduar biznesin me kosovarin e burgosur. Për gaztën «Blick» ka folur edhe burri i Angelas. Ai ka thënë se gruaja e tij e kishte kërcënuar se nëse nuk pranon divorcin, atëherë do të angazhonte një vrasës me pagesë. Megjithatë, burri i saj thotë se nuk beson që Angela do ta realizonte këtë plan. «Ajo është grua shumë e dashur» ka thene ai. Me sa duket Angela e kishte paralajmëruar në Facebook ikjen e saj nga burgu bashkë me të dashurin. Dy javë para se të ikte nga burgu kjo gardiane kishte postuar këtë citat: «Real flowers bloom in the wilderness» («Lulet e vërteta rriten në xhungël»). Citati është marrë nga filmi kinez «House of Flying Daggers», i cili bën fjalë për një oficer policie që e nxjerr nga burgu një rebele të bukur
