Ukraina nuk do të përdorë armët me rreze më të gjatë të premtuara nga SHBA për të goditur territorin rus dhe do të synojë vetëm njësitë në territorin e pushtuar ukrainas, ka thënë ministri i mbrojtjes i Ukrainës, Oleksii Reznikov.
Të premten, SHBA konfirmoi se një raketë e re që do të dyfishonte rrezen e sulmit të Ukrainës ishte përfshirë në një paketë ndihme ushtarake prej 2.175 miliardë dollarësh për të ndihmuar Kievin në luftën e tij me Rusinë.
Duke folur për atë se për çfarë do të përdoren armët, Reznikov u tha gazetarëve në një konferencë shtypi: “Ne gjithmonë u themi zyrtarisht partnerëve tanë se nuk do të përdorim armët e furnizuara nga partnerët e huaj për të qëlluar në territorin rus.
“Ne gjuajmë vetëm mbi njësitë ruse në territorin ukrainas të pushtuar përkohësisht”.
Z.Reznikov vijoi duke thënë se Ukraina priste një “ofensivë të mundshme të Rusisë këtë muaj”, por sipas tij Kievi kishte rezervat për të mbajtur forcat e Moskës.
Ai tha se Rusia mund të nisë sulmin e ri në shkurt për arsye simbolike rreth përvjetorit të parë të pushtimit të saj, por theksoi ai burimet e Moskës nuk ishin gati nga pikëpamja ushtarake./Opinion.al
