Armando Cungu nuk do të jetë më trajner i Kukësit. Humbja me Skënderbeun i ka kushtuar shumë trajnerit shkodran, i cili nuk do të jetë më në krye të stolit të Kukësit. Ai do të zëvendësohet nga Ramazan Ndreu.
“Futboll Klub Kukësi njofton përfundimin e bashkëpunimit me trajnerin Armando Cungu. Si pasojë e rezultateve negative te javëve të fundit, drejtuesit e Klubit dhe Armando Cungu kanë arritur me mirëkuptim përfundimin e bashkëpunimit.
Falenderojmë trajnerin Cungu për kontributin e dhënë në drejtimin e skuadrës sonë dhe i urojmë suksese në karrierë! Që nga dita e sotme në krye të pankinës sonë do të jetë Ramazan Ndreu, i cili mbante detyrën e drejtorit të menaxhimit te klubi ynë”, njofton klubi i Kukësit./Opinion.al
