Kryeministri Edi Rama mori pjesë në “Bread & Heart” Festival, në ngjarjen që bashkon në Tiranë mbi 150 arkitektë të mirënjohur ndërkombëtarë nga Europa, Azia, Amerika Veriore e Jugore.
Prezent në këtë event ishte edhe arkitekti amerikan, Steven Holl, i cili gjatë fjalës së tij tregoi kravatën e pikturuar që mori dhuratë nga Rama.
“Po përpiqem të kuptoj cili është ky moment në histori duke parë projektet e mëdha siç mund të ishte projekti i Miteranit por ai nuk mund të vizatonte dhe pikturonte si Edi Rama sepse edhe kjo kravatë është punim i tij.
Duke parë dështimet fillova të mendoja: Ne kemi bërë 130 konkurse dhe kemi fituar 1 në 5, por zyra nuk mund të ekzistonte pa patur mundësi të tilla dhe pa mbështetje”, u shpreh arkitekti amerikan, Steven Holl.
