Nëpërmjet kryetarit të LDE Arian Galdini, sot është bërë publik edhe risia më e fundit e kësaj partie.
LDE vjen me betimin e saj, duke risjellë kështu në vendin tonë një traditë që vjen nga lashtësia, kur burrat dhe gratë bënin betimin e tyre për të shpalosur kodin e nderit dhe për të marrë përsipër të gjitha përgjegjësitë personale dhe publike për t’i qendruar e për ta zbatuar këtë kod nderi në shërbim të shtetit dhe kombit.
Në ditet e sotme edhe ne vendet më të zhvilluara të Perëndimit si SHBA, Britani e Madhe, etj, pothuajse te gjitha organizatat politike, civile, humanitare, akademike, universitare e madje edhe sipërmarrëse, kanë si shtylla bazë të bashkëjetesës, bashkëveprimit e funksionimit të tyre brenda organizatës, pikërisht betimin dhe kartën e vlerave.
Betimi është shpalosje dhe pranim i vlerave dhe parimeve që përfaqëson organizata, por edhe një ndërmarrje personale e publike, morale dhe ligjore për t’i qëndruar këtyre vlerave e parimeve si edhe për t’i zbatuar ato me besnikeri e përgjegjshmëri të lartë. LDE e konsideron betimin e Partisë për Liri, Demokraci dhe Etikë si hapin e parë që duhet të kryejë cdo anëtar apo aktivist që i bashkohet kësaj partie.
Teksti i plote i betimit të LDE: “Betimi i LDE Ne burrat dhe grate, te rinjte dhe te rejat e Shqiperise, bij dhe bija te lirise nuk do ta turperojme kurre Vendin tone duke kryer akte pandershmerie, ligesie apo poshtersie. Ne do te luftojme per idealet dhe Gjerat e Shenjta, te vetem apo te shumte. Ne do te respektojme dhe do tju bindemi ligjeve te Vendit tone dhe do te bejme gjithcka mundemi per te nxitur nje respekt dhe bindje te tille ndaj ligjit edhe nga ata qe jane mbi ne, te cilet kane mundesine ti thyejne, zhbejne, perkeqesojne apo cenojne ato. Ne do te kembengulim perhere e me fort per te pershpejtuar sensin publik per detyrat civile. Ndaj ne, me te gjitha keto menyra do tua leme Vendin tone, atyre qe do te vijne pas nesh,kurresesi me pak, madje jo vetem me te madh por edhe me te bukur”.
