Kryeministri Edi Rama në një status në rrjetet sociale bën me dije se argjinatura mbrojtëse për zonën nga prurjet e lumit Drin është drejt përfundimit.
Kreu i qeverisë thekson se ky investim zgjidh rrezikun e gërryerjes së tokave në këtë zonë dhe shmang atë të përmbytjeve për fshatrat Kuç dhe Vukatanë në Njësinë Administrative Guri i Zi.
“Në fshatin Juban është drejt përfundimit argjinatura mbrojtëse për zonën nga prurjet e lumit Drin.
Një investim ky, që zgjidh rrezikun e gërryerjes së tokave në këtë zonë dhe shmang atë të përmbytjeve për fshatrat Kuç dhe Vukatanë në Njësinë Administrative Guri i Zi”-shkruan Rama.
