Opozita prej kohësh e akuzon për vdekjen e 17-vjeçarit Ardit Gjoklaj. Por për kryebashkiakun Veliaj, kjo çështje është sqaruar nga autoritetet. Një nga pyetjet e bëra sot në Opinion, ishte për takimin që zoti Veliaj ka bërë me prokurorin e çështjes së Ardit Gjoklaj.
“Nuk kam asnjë lidhje, e kam takuar vetëm një herë që kishte celebrimin e djalit. Nuk ishte fare prokurori i kësaj çështje, bashkia nuk ishte fare e përfshirë në këtë çështje dhe siç doli nga tjetër prokuror dhe vendim gjykate ngjarja kishte ndodhur jashtë Sharrës sjellë në Sharrë. Siç kemi patur plot raste kur krimet kryhen në një vend dhe transportohen”, tha Veliaj.
Në lidhje me fshirjen e mesazheve kritike nga rrjeti social Facebook, kryebashkiaku tha: As merrem fare me rrjetet sociale, unë mbaj vetëm Twitter-in që është gjeja ime. Po sigurisht që ka një kod etike, nëse dikush shan me libër shtëpie. /Opinion.al
