TIRANË- Pronari i Agon Channel, TV tashmë nën sekuestro nuk do të ekstradohet në Shqipëri. Vendimi është marrë nga gjykata e arbitrazhit e cila i ka kërkuar drejtësisë shqiptare të pezullojë procedurat e ekstradimit në Londër kundër Francesco Becchettit.
Kërkesa vjen pas një seance dëgjimore të arbitrazhit përpara Qendrës Ndërkombëtare për Zgjidhjen e Mosmarrëveshjeve për Investimet (“ICSID”).
Sipas vendimit, trupa e Gjykatës së Arbitrazhit e përbërë nga tre anëtarë, rekomandoi gjithashtu që Shqipëria të pezullojë procedurat vijuese penale kundër paditësve të kësaj çështjeje dhe që të dyja palët të arrijnë në një marrëveshje mbi ruajtjen e aseteve te Paditësit, që kanë qenë të sekuestruara nga shteti Shqiptar, përgjatë gjithë kohëzgjatjes së arbitrazhit. Deklarata është publikuar në faqen zyrtare të klubit “Leyton Orient Football Club”.
