Aleksandër Ndoka, vëllai i ish-deputetetit socialist Arben Ndoka, u gjet i pajetë në automjetin e tij mëngjesin e së shtunës i ekzekutuar me 14 plumba.
Pas ngjarjes që ende nuk ka një autor, Arben Ndoka përmes një statusi në FB i dedikon një postim vëllait të tij, për të cilin shkruan se gjatë rrugëtimit të tij e ka bërë krenar. “Ky rrugëtim u pre shumë shpejt nga ligësite që mbulohen nga errësira e natës”, shkruan Arben Ndoka.
Postimi i plotë i ish – deputetit për të vëllanë:
Vëllai im i ndjerë, ka kaluar një jetë me sfida e vuatje që në moshë të mitur. 16 vjeç nisi punën tek ferma e Torovices, pastaj tek Fabrika e tullave, një punë e rëndë për moshen, por falë kurajos dhe forcës së tij nuk ndalej para asgjëje. Më vone punoi në ndërmarrjen frutore dhe ushqimore. Ishin pune të thjeshta, por ai kurrë nuk përtoi. Ndërkohe ndiqte dhe studimet. Kishte ambicie për të qenë sa më i realizuar në karriere, duke punuar për 17 vitë në Policinë Ndertimore ( INUK), pastaj u be anëtar i këshillit bashkiak, duke qëne jo vetëm aktiv politikisht, por njëkohesisht i ndjeshem ndaj problemeve të cdokujt që i paraqitej në zyrë apo ambjente të tjera. Ishte njeri i dashur për të gjithe, i suksesshem në karriëre dhe biznes, e aq shumë energji jepte për njerezit ditë dhe natë.
Gjatë gjithë rrugëtimit të jetës se tij më ka bërë krenar sepse linte kudo respekt dhe kishte vlerat që i kanë hije një burri. Punoi me djersë dhe krijoi gjithcka me mund dhe sakrifice. Ky rrugëtim u pre shumë shpejt nga ligësite që mbulohen nga errësira e natës. La pas shumë njerëz që vajtojnë për te, sidomos familja e tij.
Qofsh i parajsës Vellai im i dashur!
