Ish-zvendës/kryeministri, Arben Ahmetaj, nga arratia, nëpërmjet avokatit të tij, kërkon kthimin e pronave te cilat SPAK i ka sekuestruar në kuadër të hetimeve që po kryhen ndaj tij.
Por, Apeli i Gjykatës së Posaçme kundër Krimit të Organizuar dhe Korrupsionit ka lënë në fuqi vendimin e shkallës së parë për sekuestron e pasurisë së ish-zv.kryeministrit Arben Ahmetaj.
Sipas raportimeve në media, Ahmetaj, kërkoi në Apel kthimin e apartamentit në zonën e Shallvareve që iu sekuestrua nga SPAK, në kuadër të hetimeve që po kryen për 3 vepra penale.
Pak javë më parë, me vendim të gjykatës dhe kërkesë të SPAK, Ahmetajt iu vunë në sekuestro edhe 6 pasuri, 4 apartamente dhe 2 llogari bankare në shumën e 124 300 euro.
Ndaj Ahmetajt tashmë ka një urdhër-arresti ndërkombëtar me masë dhënë në mungesë “Arrest në burg” për veprat penale: “Korrupsion”, “pastrim parash” dhe “fshehje pasurie”./Opinion.al
