Arabia Saudite ka liberalizuar vizat turistike për qytetarët shqiptarë të cilët mund të aplikojnë për vizë elektronike ose vizë.
Lajmi është bërë i ditur nga Ministria për Evropën dhe Punët e Jashtme përmes një postimi në Facebook ku thuhet se tashmë Shqipëria është përfshirë në listën e vendeve në Grupin A.
Përmes njoftimit, ministria thotë se qytetarët e saj mund të hyjnë në Arabi përmes vizës turistike.
“Lajm i mirë! Tani, të gjithë qytetarët shqiptarë që dëshirojnë të vizitojnë Arabinë Saudite për arsye turistike, mund të aplikojnë për një vizë elektronike ose vizë me mbërritjen në një nga pikat hyrëse të Arabisë Saudite. Tashmë, Shqipëria është përfshirë në listën e vendeve në Grupin A”, deklaron ministria.
