Apple do të zëvendësojë sërish bateritë e disa pajisjeve, megjithatë kësaj here problemi nuk është iPhone por MacBook. Kompania thotë se Touch Bar MacBok Pros mund të ketë një problem që e bën baterinë të fryhet. Nuk dihet ende shtrirja e problemit por Apple thotë se produktet e prodhuara nga Tetori 2016 deri në Tetor 2017 janë me shumë mundësi të prekura.
Kompania siguron që nuk ka asgjë të rrezikshme. Fryrja e baterive nuk do të shkaktojë shpërthim, megjithatë duhen zëvendësuar.
Pak muaj më parë Apple u përball me akuzat e përdoruesve që po ngadalëson qëllimisht bateritë e iPhone-eve të vjetra. Kompania në këtë kohë u detyrua të zëvendësojë falas bateritë e shumë telefonave, të cilat konsumoheshin shumë shpejt./Opinion.al
