Gjykata e Apelit në Durrës dha sot vendimin përfundimtar për mandatin e Kryebashkiakes së re të Durrësit, Valbona Sako. Ky vendim i Apelit rrëzon vendimin e Gjykatës së Durrësit dhe pushon përfundimisht gjykimin për këtë çështje.
Sako fitoi në zgjedhjet e 30 qershorit, por gjykatësja e shkallës së parë, Mimoza Margjeka e konsideroi procesin zgjedhor nul, me pretendimin se partia Bindja Demokratike e Astrit Patozit ishte regjistruar me vonesë në zgjedhje.
Vetëm një ditë me pas Partia Socialiste iu drejtua sërish gjykatës duke kërkuar njohjen e mandatit të Sakos dhe gjykatësi, Shpëtim Reka, me një vendim tjetër të shkallës së parë hodhi poshtë vendimin e koleges së tij dhe njohu mandatin e kryebashkiakes./Opinion.al
