Prokuroria e Fierit ka sekuestruar mbi 3 milionë euro pasuri të dyshuara se rrjedhin nga veprimtari kriminale.
Bëhet fjalë për pasuri të paluajtshme dhe llogari bankare të shtetasit L.B., i dënuar për kryerjen e veprave penale “Pjesëmarrje në organizatë kriminale” dhe “Trafikim i lëndëve narkotike” në Greqi, si dhe familjarëve të tij.
Nga hetimi pasuror dyshohet se pasuritë e mëposhtme, e kanë prejardhjen nga aktiviteti kriminal i shtetasit L.B.
Pasuritë e sekuestruara:
- 5 (pesë) pasuri të llojit “njësi shërbimi”, me sipërfaqe 722 m², 486.7 m², 180.5 m², 57 m², 77.31 m² me vendodhje në lagjjen “1-Maji” Fier.
- Pasuri e llojit apartament me sipërfaqe 63.6 m² , me vendndodhje në Fier.
- 2 (dy) pasuri të llojit apartament me sip.63.4m² dhe 139.6m², si dhe një pasuri e llojit garazh me vendndodhje në “Uji i Ftohtë”, Vlorë.
- Pasuri e llojit papafingo, me sipërfaqe totale 221.8m² me vendndodhje në Selitë, Tiranë
- Pasuria e llojit “njësi shërbimi”, me sip.197 m² me vendndodhje Selitë, Tiranë.
- Pasuria e llojit apartament, me sipërfaqe totale 197.4m², me vendndodhje Selitë, Tiranë.
- 5 (pesë) pasuri të luajtshme të llojit automjet dhe motomjet të regjistruar pranë Drejtorisë Rajonale e Shërbimit të Transportit Rrugor Fier.
- Pasuri e llojit “njësi tregtare”, lidhur me aktivitetin tregtar “Bar-Kafe”, Fier, të ushtruar nga personi fizik L.B.
- 2 (dy) Llogari bankare me gjendje 212,341.46 lekë dhe 22,628.7 mijë Euro.
Gjykata e Shkallës së Parë të Juridiksionit të Përgjithshëm Fier vendosi sekuestrimi e pasurive të mësipërme që kapin vlerën mbi 3,000,000 euro./Opinion.al
