Këtë të premte të 20 qershorit, ishte planifikuar miqësorja mes Partizanit dhe skuadrës së Ballkanit. Ndeshja e parashikuar për tu luajtur në Ohër, është anuluar.
Klubi i Partizanit ka bërë të ditur se për shkak të kushteve atmosferike dhe reshjeve të dendura të shiut, ndeshja është anuluar.
“Njoftojmë se ndeshja miqësore mes Ballkanit dhe Partizanit e programuar të luhej sot në Ohër, nuk është zhvilluar për arsye të kushteve të rënduara atmosferike. Reshjet e dendura të shiut kanë bërë të pamundur zhvillimin e ndeshjes”, thuhet në njoftimin e klubit.
Mbetet të shihet nëse miqësorja e planifikuar për sot, do të luhet në një datë tjetër, apo dy ekipet do të zgjedhin kundërshtarë të tjerë.
