Festivali më i madh në botë i birrës, Oktoberfest, nuk do të mbahet këtë vit në Gjermani, për shkak të pandemisë së koronavirusit.
Lajmi u komunikua nga autoritetet e landit të Bavarisë ku është dhe qendra e traditës së këtij festivali.
Oktoberfest mbahet çdo vit nga data 19 shtator deri më 4 tetor. Ai vizitohet nga rreth 6 milionë njerëz nga e gjithë bota.
Padyshim që anulimi do të ketë pasoja ekonomike për shtetin e Bavarisë, kryesisht Mynihun ku mblidhet edhe numri më i madh i turistëve.
Sipas Reuters festivali gjeneron më shumë se 1 miliard euro për Mynhun çdo vit.
Gjermania ka nisur të lehtësojë disa masa kundër koronavirusit, por ka thënë se distancimi fizik do të mbetet në fuqi. /Opinion.al
