Kryetarja e deleguar e Bashkisë së Tiranës, Anuela Ristani ka përgënjeshtruar sot kryetarin e Partisë Demokratike Sali Berisha, lidhur me deklaratat e tij mbi Bashkinë e Tiranës lidhur me djegien dhe zhdukjen e dokumenteve të këtij institucioni për shkak të hetimeve të nisura nga SPAK.
Ristani gjatë fjalës së saj tha se lajmi nuk është vërtetë, teksa shtoi se çdo shkresë e jetës institucionale të bashkisë rruhet me rigorozitetin më të madhe në arkiv.
Mandej ajo shtoi se nuk janë trembur as nga letrat anonime, as nga ato me autorë dhe as nuk do të tremben nga të tilla denoncime.
“Nuk mungon as aksioni as satira, por nuk mungon as trishtimi dhe ky i fundit është për ata qytetarë që nuk e kanë kusur për tu helmuar me trillime të ndryshëm me ata që shpifja dhe gënjeshtra i ushqen përdit , por nuk i ngop kurrë. Për të dy kategoritë na vjen thellësisht keq, por për çdo Bashkia e Tiranës siguron opinionij publik me përgjegjësi të plotë se çdo shkresë e jetës institucionale të saj rruhet me rigorozitetin më të madhe në arkivin tonë, i cili në përmbushje të ligjeve përkatëse është i vendosur në një objekt jashtë godinës qendrore dhe plotëson kushtet e ruajtjes dhe sigurimit sipas një protokolli të mirëpërcaktuar.
Në përgjigje të kërcënimeve për denoncimin e rradhës për këtë krim të ri imagjinar ne ju themi të gjithë kundërshtarëve të Bashkisë së Tiranës se jeni më se të mirëseardhur për tu bërë qesharak. E të tilla probleme imagjinare paçim, pasi në një qytet me mbi një milion banorë dhe me shumë miliona vizitoë problemet me të cilat përballemi cdo ditë nuk janë aspak qesharake dhe ne i marrim me të gjithë seriozitetin e mundshëm. Ne nuk jemi trembur as nga letrat anonime dhe as nga ato me autor dhe as nuk do të trembemi nga të tilla denoncime përveç punës që na e mban kokën lart”,-u shpreh Ristani.
