Fjalën e tij në sheshin “Skënderbej”, kreu i qeverisë Edi Rama e mbylli me thumba e ironi për kundërshtarët politikë, të cilët nuk heziton t’i quajë sërish “këneta me bufin në krye”.
Rama iu përgjigj pretendimeve të kreut të Partisë Demokratike, Sali Berisha e cili tha “se sot Partia Socialiste do të zhvillonte antimiting për të burgosurin politik”, duke ju referuar kështu Erion Veliajt.
“Këneta tha se këtu do bënim një antimiting. I keni parë titujt?! Plasi, shpërtheu, u çmend, shokoi,ra tronditi…Lexon titullin thua se ç’ka ndodh?! Futesh brenda, Noc Rrokun! Anti-miting për të burgosurin politik. Tani edhe në këtë rast, ata në fakt si në çdo rast edhe kur shpifin nisen nga vetja, ata pretendojnë se kanë nja 3 të burgosur politik. Prandaj lënë nam dhe zhgarrazhubraviten me turp se në vend të mësojnë nga më të mriët, duan të na bëjnë si veten. Në Shqipëri s’ka të burgosur politik që nga 1997-a kur doli nga burgu i fundit, të cilin e kishte futur këneta. Çfarë do të thotë antimiting? Ka një miting dhe ne po zhvillojmë anti? Anti-mitingun e kanë brand të vet, nuk e lëshojnë. Qeveritë që bëjnë anti-miting kanë vdekur që në vitin 2013”, deklaroi kryeministri Rama.
