Pasi ra për herë të parë dakord me Berishën, në kritikën që ky i fundi i bëri mënyrës se si Prokuroria kreu arrestimin e ish-ministrit Ksera. Analisti Andrea Stefani, si rrallëherë në të gjithë kundërligjiërimin e tij ndaj liderit historik të Partisë Demokratike, ka vendosur ti japë edhe njëherë të drejtë Berishës.
Në një status në profilin e tij në fb, i shtyrë edhe nga deklarata e Berishës, i cili dje tha se po mendonte largimin nga Parlamenti, Stefani shkruan: “Sali Berisha paska deklaruar se po konsideron mundësinë e dorëzimit të mandatit të deputetit nga që parlamenti është shumë i kriminalizuar. E si mund të mos jesh dakord me Berishën në këtë rast? Se a ka mënyrë më të mirë për të për të dekriminalizuar Parlamentin se largimi prej tij i Berishës vetë”. Por a do tja plotësojë Berisha këtë dëshirë Stefanit, pasi të ketë lexuar statusin e tij më të fundit? Le të shohim se çdo të ndodhë….
