Erind Pirani, nga institucioni i Avokatit të Popullit ka debatuar me zv.ministri i Brendshëm sa i përket paketës ligjore të prezantuar si Anti-KÇK nga kryeministri Edi Rama.
Kjo paketë fuqizon kreun e Policisë së Shtetit dhe një strukturë speciale të quajtur “Operacioni Forca e Ligjit” me kompetenca të prokurorisë dhe gjykatës në marrjen e masave kufizuese personale dhe në sekuestrimin e pasurive për personat e dënuar dhe nën hetim.
Erind Pirani: Për një orë diskutime besoj se dolën në pah të gjitha problematikat e këtij akti normativ, të cilat dhe zëvendësministri si i ardhur nga jashtë shtetit me dëshirën e mirë për të investuar në jetën e përditshme të qytetarëve, përpiqet të justifikoj me ato mendimet e tij. Rreziku për qytetarët është se ata do të jenë në monitorim në përgjim të paautorizuar, të palgjishme nga strukturat e ngritura të policisë mbi bazën e këtij akti normativ.
Besfort Lamallari: O i nderuar, e para njëherë ju përfaqësoni Institucionin e Avokatit të Popullit dhe nuk duhet të përfshiheni kurrsesi në politikë. Unë e kam për detyrë, unë jam me kostum politik dhe mbroj nismat e qeverisë dhe është po kjo qeveris që do të mbajë përgjegjësi kur të votohet. Atë çfarë qytetarët presin, sidomos nga Avokati i Popullit është që të shikojnë në të njëjtin këndvështrim. Se si krimi i organizuar rrezikon jetën e qytetarëve, se si krimi i organizuar ka krijuar modelet më negative në shoqëri. Se ata personat e varfër marrin rrugën për në Angli, Gjermani etj për tu pasurua sa më shpejtë dhe ky nuk është modeli që unë kam parë jashtë. Ju zotëri jeni Avokati i Popullit i qytetarëve shqiptarë, lexoje mirë nenin 17 të Kushtetutës dhe shiko që qytetarët nuk janë subjekte të ligjit. Subjekte të ligjit janë persona të caktuar që janë me probleme me krimin e organizuar me vendime penale, me informacione që kanë ardhur nga partnerët. Nuk janë këto subjektet që interesohet ai./ Opinion.al
