Ditën e stome në Komisionin e Ligjeve është diskutuar për buxhetin e vitit 2017, ku edhe ka patur debate. Bëhet fjalë për buxhetin në institucionin e drejtësisë, si Prokuroria, Gjykata, KLD dhe Gjykata Kushtetuese.
Shtimi i buxhetit me rreth 60 milion lekë u kërkua nga zyra e Administrimit te Buxhetit Gjyqësor, ndërsa Këshilli i Lartë i Drejtësisë dhe Prokuroria e Përgjithshme nuk kanë shperhur ankesa me buxhetin e dedikuar atyre.
Gjyqësori kërkon më shumë fonde nga sa ishte parashikuar në buxhetin e vitit 2017.
Ndërsa Drejtoresha e Zyrës së Administrimit të Buxhetit Gjyqësor, Luljeta Laze, ka kërkuar rritje të buxhetit me rreth 60 milionë lekë.
“Kërkesa për shtesë e numrit të punonjësve të administratës gjyqësore vjen terësisht në funksion edhe me proçeset e reformës. Me aq sa ne pamë sigurisht që nuk janë target tona për t’i përcaktuar ato nevoja përfundimisht, por ligji mund të lexohet.
Laze tha se buxheti për vitin 2017 është më i ulëti se ai një viti më pare, kështu për këtë vit do të jepen 2.1 miliardë lekë, ndërkohë që për vitin 2016 buxheti është 2.2 miliardë lekë, ndërsa duhet të kihen parasysh edhe ndryshimet që mund të bëhen nga reforma në drejtësi.
Por pretendimet e Lazes sollën edhe reagimin e anëtarëve të Komisionit, të cilët kërkuan më shumë detajime për fondet e kërkuara”, është shprehur Luljeta Laze.
Ndërsa institucionet që nuk shfaqen pretendime për buxhetin ishin Këshilli i Lartë i Drejtësisë dhe Prokuroria e Përgjithshme. Për këtë arsye, përfaqësuesit e KLD-së nuk u paraqitën për diskutim në Komisionin e Ligjeve.
