Modelja 20-vjeçare,e cila thuhet se ishte rrëmbyer për t’u shitur në treg të zi, ka folur ditën e djeshme mbi eksperiencën e tmerrshme. Modelja më 10 korrik u largua në drejtim të Italisë, por të nesërmen ajo nuk u bë më e gjallë.
Chloe Ayling, një modele britanike, që jetonte në Londër, deklaroi se ishte mashtruar nga rrëmbyesit. Ata i kishin ofruar një punë në Milano, si modele, por në të vërtetë ajo u mbajt rob, që më pas të shitej. Modelja shtoi se i kishte dëgjuar të thoshin se e kishin nxjerr në një ankand, i cili kryej në internet.
“Kam përjetuar një përvojë të tmerrshme. Isha shumë e frikësuar për jetën time. Unë jam shumë mirënjohëse ndaj autoriteteve italiane dhe britanike, që bënë gjithçka për gjetjen time shëndosh e mirë. Sapo kam ardhur në shtëpi pas katër javësh dhe nuk kam pasur kohë të mbledh veten pas asaj ngjarje të tmerrshme. Nuk mund të them më tepër, derisa të njoftohem nga policia e Mbretërisë së Bashkuar, që jamë e lirë të shpreh gjithçka.”- foli modelja për “TheSun”
Policia ka deklaruar se 20-vjeçarja ishte dërguar në itali nga agjenti i saj, i cili e lidhi me ‘fotografin’ Italian. Ata thanë se ajo ishte sulmuar nga dy burra, të cilët merreshin me trafik droge. Më pas ata e kishin futur në një valixhe për t’a dërguar në një shtëpi të vogël, në San Torino, ku ishte mbajtur në një kasolle, e prangosur, për gjashtë ditë.
Në të vërtetë nuk ishte policia ajo që e gjeti modelen, por rrëmbyesit e kishin lënë të lirë, pasi ishin informuar se kishte fëmijë. Ajo u gjetë më pasë nga policia jashtë konsullatës britanike.
Policia arrestoi Lukasz Herban, një shtetas polak 30-vjeçar, pasi ai dyshohet se e la hodhi atë në konsullatë. Policia pretendon se Herban dyshohet të ketë kryer organizime të tjera të shitjeve të femrave, si pjesë e një organizate të paligjshme të trafikimit njerëzor të quajtur “Grupi i Vdekjes së Zezë”.
