Një azilkërkues afgan është burgosur pasi akuzohet se përdhunoi dy herë një 12-vjeçare shqiptare në një hotel azilantësh të financuar nga Home Office.
Sakhidad Ahadi, 25 vjeç, i cili vazhdonte të mashtonte për moshën e tij dhe u konsiderua ‘i rrezikshëm’ u dënua me dymbëdhjetë vjet burgim.
Ahadi kishte kërkuar azil në Britani me pretendimin se ishte qëlluar nga talibanët kur kishte refuzuar të rekrutohej në ushtri dhe se ato i kishin vrarë edhe babain.
Ndërsa vajza shqiptare dhe vëllai i saj ishin sjellë në Mbretërinë e Bashkuar nga nëna e tyre dhe familja e tyre ishte vendosur në hotelin historik Queens, Crystal Palace – i njohur në vend si ‘Azili i Hotelit’.
Ahadi u deklarua fajtor për akuzën për përdhunimin e vajzës dhe një juri e Gjykatës së Croydon Croën e dënoi atë për një akuzë të dytë për përdhunimin e saj midis 22 dhjetorit 2022 dhe 1 janarit 2023.
“Si i pandehuri dhe viktima jetonin në hotel, të vendosur atje nga Zyra e Brendshme me azilkërkues të tjerë,” i tha gjykatës prokurorja Janine Sheff.
Për të blerë heshtjen i dha vajzës pesë paund dhe një kartë SIM me qëllim që të kishte sërish kontakte me të. Vajza i mbajti të fshehtë përdhunimet nga e ëma derisa i tha një roje sigurie të hotelit se kishte frikë nga Ahadi dhe u njoftua policia.
Kur oficerët mbërritën, ajo u zbuloi atyre për herë të parë se ishte përdhunuar dhe intervista e saj e parë e regjistruar në polici duhej të anulohej sepse ishte shumë e shqetësuar.
Ahadi u arrestua më 2 janar dhe që atëherë ndodhet në paraburgim. “Ai pretendoi se vajza kishte hyrë në dhomën e tij ndërsa ai ishte duke studiuar për kolegj dhe kishte iniciuar seksin”.
