Anetari i Komisionit Qendror te Zgjedhjeve, Klement Zguri, ka reaguar ndaj kërkesës së PS-LSI për shtyrje të afatit të regjistrimit të partive dhe koalicioneve për garën e 18 qershorit.
Zguri e cilëson kërkesën e dy partive jo legjitime dhe që sipas tij do të prishte zgjedhjet.
“Sot është data ligjore për të përfunduar regjistrimi. Kërkesa e dy partive nuk është legjitime. Kërkuesit nuk kanë autorizim për këtë kërkesë. Përmbajtja e saj prek zgjedhjet, i prish ato”.
Zguri thotë se KQZ nuk mund të shtyjë afatin e regjistrimit, duke shtuar se kjo mund të ndodhë vetëm nëse ka një marrëveshje politike.
Më herët reagoi edhe anëtari tjeter i KQZ, Hysen Osmani i cili ishte ne te njejten linje me Zgurin.
Osmani deklaroi se “eshtë jashtë kompetencave të KQZ për ta marrë vendimin per shtyrjen e afateve per koalicionet. Është në kundërshtim me Kodin Zgjedhor”.
