Anëtari i KLGJ-së bashkëpunëtor i fondacionit “Qemal Stafa”

Në e-mail-et e studentëve të Fakultetit të Drejtësisë po qarkullon një mesazh ku reklamohet revista politike “Politicus” e Fondacionit të krijuar nga Partia Socialiste me emrin “Qemal Stafa”, që deri pak kohë më parë e drejtonte Sajmir Tahiri. Erjon Muharremaj, anëtar i zgjedhur i KLGJ-së, shkruan për këtë revistë, gjë të cilën e ka përmendur edhe Enkelejd Alibeaj në një prononcim për mediat.
Pedagogëve gjithashtu u kërkohet hapësirë për reklamimin e kësaj reviste me vija politike, në një Universitet që supozohet të jetë i pavarur, dhe kjo e thellon edhe më shumë skandalin.

Dekan në këtë Universitet është Artan Hoxha, ndërsa personi përgjegjës për e-mail-et, është pikërisht i përzgjedhuri për anëtar i KLGJ-së, Erjon Muharremaj dhe njëkohësisht zv/dekan i Fakultetit të Drejtësisë.
Erjon Muharremaj, anëtar i zgjedhur i KLGJ-së, shkruan për këtë revistë, gjë të cilën e ka përmendur edhe Enkelejd Alibeaj në një prononcim për mediat.
Personi në fjalë u kërkon pedagogëve të këtij Universiteti të bëjnë shkrime për fondacionin “Qemal Stafa”. Por Muharremaj është përpjekur t’i justifikojë këto e-mail-e, duke u shprehur se petagogëve u është kërkuar të bëjnë shkrime për t’u botuar në një revistë shkencore, duke anashkaluar faktin se në një Universitet të pavarur, po i bëhet reklamë një reviste me prapavijë politike.
Ai ka thënë vetëm se detyra e tij si zv. Dekan është të shpërndajë thirrje për publikimin e artikujve shkencorë, por në asnjë moment nuk e justifikon përfshrirjen e një reviste me prapavijë politike në e-mailet drejtuar pedagogëve. Muharremaj e ka cilësuar si “punën e tij të përditshme”, por dashje pa dashje bie në kundërshtim me pavarësinë politike të një Universiteti publik.