Analisti Andrea Stefani ka reaguar sot, pas votimit në kuvend të akteve nënligjire të ligjit për dekriminalizimin. Duke cituar fjalën e deputetit demokrat Oerd Bylykbashi, në një status në FB, Stefani shkruan, se pret që me gjithë të kriminalizuarit të largohen nga politika edhe Berisha e Basha.
Statusi i plotë i Andrea Stefanit:
Kuvendi votoi me konsensus aktet nënligjore të dekriminalizimit. Votimi mori 114 vota pro, asnjë kundër dhe asnjë abstenim.
Deputeti Oerd Bylykbashi tha se ajo që po përmbyllet sot është faza e largimit të kriminelëve: “Nuk do të tolerojmë për asnjë çast që ligji të mos zbatohet. Ky është akti që përmbyll betejën 2 vjeçare për dekriminalizimin. Bëmë ligjin se kriminelët janë në politikë e administratë”.
Sa mirë! I uroj suksese Bylykbashit dhe pres që me të gjithë të kriminalizuarit të largohen nga politika edhe Berisha dhe Basha.
