Teksa pjesa e parë ishte drejt përfundimit në “San Memes”, Atletico Madrid ishte nën presion. Nuk kishin bërë asnjë goditje drejt portës dhe po dominoheshin nga baskët. Ndërkohë 400 km në A Coruna, rivalët e titullit ishin në avantazh 4:0. Atletico shpenzoi dy javët e kaluara duke mundur Barcelonan në Champions League dhe duke u kacavjerrë drejt kryes së tabelës megjithëse ishin nëntë pikë mbrapa. Për ta dorëzuar sërish do të ishte e rëndë. Por më pas çdo gjë ndryshoi. Antoine Griezmann fut një kros të bukur në zonë dhe kush duhet të ngrihet, duke tërhequr muskujt dhe vertebrat për ta gozhduar në rrjetë topin me kokë? Fernando Torres, natyrisht.
Ishte 0:1 për Atleticon, dhe nëse e njihni Atleticon, e dini që një gol i mjafton. Ata fituan ndeshjen duke qëndruar në një nivel me Barçan. Fernando Torres ishte sërish protagonist; ky ishte goli i pestë në pesë ndeshjet e fundit. Edhe kur ishte në formën e jetës me Liverpool, Torres anjëherë nuk arriti të shënonte në pesë ndeshje radhazi. Fuqitë motivuese të Diego Siemeones janë aq potente sa që e ka kthyer lojtarin në një vrasës të heshtur, duke i falur vazhdimësinë. Rikthimi i tij vitin e kaluar ishte aq magjik sa që duhet të ishte shkruar; në vetëm ndeshjen e tij të dytë me Atleticon ai u ndesh me Real Madrid në “Bernabeu”, një stadium ku ai ka vuajtur gjithmonë. Ai shënoi vetëm 90 sekonda pasi ishte futur në lojë.
Më pas shënoi një tjetër gol vetëm 90 sekonda pasi kishte filluar pjesa e dytë duke barazuar rezultatin 2:2 dhe duke eleminuar Real nga Copa del Rey. Pesë gola në pesë ndeshjet e fundit ka sënuar Fernando Torres Nga aty ai e uli ritmin, normalisht, duke e mbyllur gjysmë sezonin me gjashtë gola. Ai e kishte bindur Simeonen për të qëndruar, por si zëvendësues, pas transferimi i Jackson Martinez. Por Torres e filloi sezonin 2015/16 me një formë të mirë. Ai shënoi dy herë në pesë ndeshjet e para duke e çuar në 99 gola të shënuar për ekipin e fëmijërisë.
Vetëbesimi është i madh, dhe golat rrjedhin vetë. Ai shënon pothuajse gjithmonë kur futet në fushën e lojës. Disa nga golat e tij janë aq të rëndësishëm sa i japin ekipit të Simeones tre pikët, ose pikën e barazimit. Pas dy vitesh të mrekullueshme në Liverpool, Torres u kthye në një shaka. Periudha e tij te Chelsea ishte e mbushur me trofe, por paraqitjet e tij ishin të dobëta teksa vuante për të gjetur formën e duhur fizike si dhe presioni i 60 milionë eurove të shpenzuara për të ishte tepër i madh. Edhe huazimi i tij te Milan ishte një dështim. Ai dukej i humbur.
Por me rikthimin te Atletico, Torresh ka rigjetur veten e tij. Diego Simeone dhe besimi i tij infektues e kanë rikthyer një nga sulmuesit më të mirë të Evropës me një nivel prodhimi të admirueshëm dhe të paparë në gjysmë dekade. Rikthimi i Torres në shtëpi nuk është thjesht një dëshirë shpirtërore, por ai ka qenë i dobishëm në gjuetinë e Atleticos për titullin e dytë të La Ligas në tre vitet e fundit dhe në gjurmimin e Champions League aq të kërkuar nga të gjithë.
