Ministri i Brendshëm Taulant Balla ka reaguar për pezullimin nga detyra të 19 punonjësve të Policisë Kufitare.
Nëpërmjet një postimi në rrjetet sociale, Balla përgëzon punën e Agjencisë së Mbikëqyrjes Policore dhe nxit hetime të ngjashme në të gjithë territorin.
Postimi i plotë i ministrit Balla:
Vijon procesi i vetëpastrimit të Policisë së Shtetit. 19 punonjës të Policisë Kufitare janë pezulluar sot, pas një hetimi të gjatë të Agjencisë së Mbikëqyrjes Policore në bashkëpunim më Prokurorinë e Juridiksionit të Përgjithshëm Korçë. E përgëzoj Agjencinë e Mbikëqyrjes Policore për punën profesionale dhe nxis hetime të ngjashme në të gjithë territorin. Vetëpastrimi i radhëve të Policisë dhe rritja e integritetit të organizatës forcojnë besimin e partnerëve dhe të publikut, duke garantuar më shumë siguri dhe shërbime më të mira për qytetarët.
