Shefja e Fondit Monetar Ndërkombëtar (FMN),Yan Sun, në një konferencë për mediat së bashku me ministren e Financave, Delina Ibrahimaj dhe Guvernatorin e Bankës së Shqipërisë, Gent Sejko, u ndal te projektligji i qeverisë për amnistinë fiskale.
Shefja e FMN, deklaroi se projekt-ligji për amnistinë mund të konsiderohet si një dëmtim për moralin tatimor ndërsa shtoi se qeveria duhet ta ndryshojë atë.
“Projekt ligji për amnistinë mund të konsiderohet si një dëmtim për moralin tatimor. Përfshin një falje të konsiderueshme të atyre që përveç këtyre, kanë një heqje të interesave dhe penaliteteve, të cilat mund të japin një amnistim nga ndjekja penale. Qeveria duhet të ndryshojë projektligjin e amnistisë në një program të vetëdeklarimit vullnetar. Por që ta konsiderojë duhet të ketë përmbushur disa parakushte.
Një sistem modern të administratës tatimore, për marrjen e informacionit dhe po kështu një sistem të përshtatshëm për zbatimin. Duhet të ketë dhe kompetenca të dëshmuara për publikun që ka një aftësi për zbulimin. Nevoja për të pasur një sistem të tillë dhe për t’i dhënë besim publikut është të kuptohet se evazorët fiskalë do të ndiqen dhe penalizohen. Një tjetër kusht është kuadri kundër pastrimit të parave dhe financimit të terrorizmit”, theksoi ajo.
