Me amnistinë e fundit pritet që nga 56 gra 28 prej tyre që vuajnë dënimin në burg të lirohen, ndërkohë që për pjesën tjetër të tyre do të ulet dënimi me 1/3.
Ndërkohë që ky vendim është marrë për gratë e dënuara, për burrat është vendosur diçka tjetër. Sipas ministres së Drejtësisë Etilda Gjoni nga amnistia do të përfitojnë ata të cilët janë dënuar deri në dy vjet me vendim të formës së prerë vendim i formës së prerë deri më datë 30.09.2019, ose u kanë mbetur për të vuajtur nga ky dënim deri në 2 vjet.
Gjithashtu një tjetër kategori përfituese janë burrat mbi 60-vjeç të cilët nuk janë dënuar për vepra penale që janë të ndaluara për të fituar nga amnistia.
Ndërkohë të dënuarit që përmbushin kriterin e moshës (mbi 60-vjeç) apo afatin 2 vjeçar, por janë duke kryer dënimin për shkak të veprave penale të rënda nuk do të mund të përfitojnë nga amnistia. Amnistia bëhet zyrtare në çastin kur merr edhe aprovimin e Parlamentit./Opinion.al/
