Amir Abrashi ka zbuluar se dy suveniret që kishte marrë me vete nga pjesëmarrja në Euro 2016 ishin dy fanellat e kundërshtarëve ndaj të cilëve kishte luajtur në këtë aktivitet.
“Kam ndërruar fanellat me Dmitri Paje dhe me Xherdan Shaqirin, ishte fantastike”, tregoi mesfushori shqiptar për të përditshmen gjermane “Bild”.
Tani që Fraiburgu është ngjitur në Bundesligë, mesfushori planifikon që të shtojë koleksionin e tij të fanellave të kundërshtarëve me të cilët do të luajë. Dy prej tyre, janë emra shumë të njohur për të.
“Kemi rënë dakord që tani që të shkëmbejmë fanellat me Mërgim Mavrajn dhe Admir Mehmedin”, zbuloi mesfushori, i cili i ka miq të mirë të dy futbollistët. Me të parin, ai ka krijuar miqësi në radhët e kombëtares kuqezi, ndërsa të dytin e njeh që nga periudha kur luante në kombëtaret e moshave të Zvicrës.
Pas Europianit, Abrashi ka udhëtuar drejt Spanjës për disa dite pushime bashkë me Shaqirin, pastaj në Shqipëri, në Kosovë për të takuar gjyshërit dhe në Zvicër për të qëndruar disa ditë pranë familjes. “Te gjyshja m’u desh të përmbahesha për të mos ngrënë shumë. Bën gatime tradicionale, me shumë yndyrë”, ishte batuta e futbollistit.
Pas Europianit, Abrashi ka udhëtuar drejt Spanjës për disa dite pushime bashkë me Shaqirin, pastaj në Shqipëri, në Kosovë për të takuar gjyshërit dhe në Zvicër për të qëndruar disa ditë pranë familjes. “Te gjyshja m’u desh të përmbahesha për të mos ngrënë shumë. Bën gatime tradicionale, me shumë yndyrë”, ishte batuta e futbollistit.
