Në takimin me asambletë socialiste të njësive 5, 6, 13, 14 të Tiranës, kryeministri Edi Rama foli për arritjet që ka bërë qeveria e tij për tre mandate, duke thënë se progresi i vendit do të vijojë në mandatin e 4-të.
Rama tha se PS është e vetmja forcë politike që mund të çojë Shqipërinë në BE, ndërsa tha se PD do që ta kthej vendin në të shkuarën.
Po ashtu, Rama thotë se SPAK po e mbështet PS pasi sipas tij, amerikanët “kanë ikur”. Ndërkohë, ai nuk i kurseu ironitë dhe fyerjet ndaj kryetarit të PD, Sali Berisha.
Rama: Si ka mundësi që ne nga vendi më i shpërfillur më i pakonsoliduar ne konsiderohemi vendi pararojë në këtë proces, BE nuk bën dhurata, por vetëm hesape, politika përdoret vetëm për të penguar, jo për të nxtiur dhe afruar, kur ti i ke bërë detyrat por atyre s’u vjen për shtat se kanë ca punë të tjera…nëse ka korrupsion, ku ka korrupsion, ka në garat për fondet, tenderat, ajo është një nga zonat më të prekura nga korrupsioni se bëhet fjalë për shpërndarjen e parasë, sot nuk themi ne, por bashkimi evropian.
Ne jemi të parët në prokurimet publike, më parë kemi qenë ibret. Ku është tjetër në radha histori për një certifikatë, jo hajde nesër, radhë e gjatë për të marrë një dokument, të gjitha këto nuk ekzistojnë më. Ky problemi që kemi me hipotekën është një arsye për ta votuar PS apo një arsye për të mos e votuar. Kështu i teket dhe bëhet hero, je komplet i barabartë. Ta pranojmë pa luftë të na kërkojnë ne hesap, të tjerët ne mund t’i kërkojmë hesap njëri tjetrit, por askush jashtë kësaj partie nuk ka kërkon njeri hesap për luftën kundër korrupsionit, është lufta jonë, s’jemi ne viktimat këtu, s’është një luftë që e hapi Amerika i tërhoqi ushtarët që kishte sjellë, ikën, nuk janë më aty, ja ku është SPAK, kush e mban, mirë që e kishte sjellë Amerika, e keni dëgjuar bufin e kënetës që thotë do ta shkri, nëse ne do të ishim ishte shkrirë SPAK, një fishkëllimë e bufit me ato flokët sapo kishte zbrit nga motori, me zhaba, bretkosa për të shkrirë SPAK, nuk ndodh kjo se e kemi sjellë në këtë punë deri këtu.
Ata kanë disa kusure ato të mëdhajat që i dimë ne shumë mirë ato e nuk harrohen ua kam thënë me kohë është një nga ato krime 21 janari që nuk ndëshkohen shpejt, por nuk harrohen kurrë dhe një ditë paguhen, kusuret e tjera iu ka ai që qeveris. Janë dy gjëra që duhen pasur parasysh, kur në një vend lufta kundër korrupsionit intensifikohen rezultatet nuk përputhen, futen në mes interesat politike, çfarë argumenti kanë ata, e kam parasysh të gjithë ata kuakuak, jo vetëm kënetën bojëblu.
