Johnny Depp dhe Amber Heard kanë disa javë që po përballen në një gjykatë në Virxhinia. Aktori i famshëm ka paditur ish-bashkëshorten e tij për 50 milionë dollarë për një artikull që publikoi në Washington Post në vitin 2018. Ndonëse Heard nuk përmendi emër, John pretendon se e ka akuzuar për dhunë. Por si arritën në këtë pikë 13 vite pas takimit të tyre të parë.
2009
Johnny Depp dhe Amber Heard u takuan për herë të parë në xhirimet e “The Rum Diary” në 2009. Bazuar në librin e Hunter S. Thompson me të njëjtin emër, Depp luan rolin e gazetarit Paul Kemp që merr një punë në Porto Riko. Herd luan Chenault, me të cilin Kemp bie në dashuri me shikim të parë.
Në gjykatë, Depp përshkroi ndjesinë që pati me Heardin kur ata u puthën në dush teksa po xhironin një skenë. “Në atë moment, ndjeva diçka që nuk duhej ta ndjeja,” tha Depp. “Unë mendoj se kishte diçka në puthjen që shkëmbyem në dush që ishte e vërtetë.”
Depp dëshmoi se të dy u takuan përsëri dy vjet më vonë në një turne promovues të filmit.
2012
Johnny Depp dhe partnerja që kishte asokohe Vanessa Paradis, me të cilën ka dy fëmijë të përbashkët, Lily-Rose dhe John Christopher, u divorcuan në vitin 2012. Heard dhe Depp filluan të takoheshin dhe më vonë. Ndërsa në vitin 2014, u fejuan, sipas një artikulli të publikuar në revistën People në atë kohë.
2015
Johnny Depp dhe Amber Heard u martuan në një ceremoni private në Los Angeles.
2016
Heard bëri kërkesë për divorc pas 15 muajsh martesë. Ajo mori masa kufizuese të përkohshme ndaj Depp-it, duke pretenduar se po e abuzonte ndërsa ajo ishte nën ndikimin e drogës dhe alkoolit. Depp mohoi akuzat dhe në gusht 2016 u arrit një marrëveshje jashtë gjykatës prej 7 milionë dollarësh. Herd u zotua se do t’i dhuronte paratë për bamirësi.
Aktorët më pas lëshuan një deklaratë të përbashkët duke thënë: “Marrëdhënia jonë ishte shumë pasionante dhe herë pas here e paqëndrueshme, por gjithmonë e lidhur me dashurinë. Asnjëra palë nuk bëri pretendime të rreme për përfitime financiare. Nuk ka pasur kurrë ndonjë qëllim për dëmtim fizik apo emocional.”
2018
Heard shkroi një artikull për The Washington Post në dhjetor 2018 në lidhje me abuzimin në familje. Ajo nuk e përmendi Depp-in me emër.
2019
Johnny Depp paditi ish gruan, Amber Heard për 50 milionë dollarë me pretendimin se ka shpifur në artikullin e saj në Washington Post. Sipas tij, ky artikull i ka kushtuar karrierën si aktor. Heard dështoi në përpjekjen e saj për të hedhur poshtë padinë. Kundërpadia prej 100 milionë dollarësh është në proces.
2020
Në vitin 2020, Johnny Depp shkoi në gjykatë për shpifje kundër botuesit të gazetës The Sun në Mbretërinë e Bashkuar për një artikull të vitit 2018 që pretendonte se ai ishte i dhunshëm kundër Heard. Depp ka mohuar të gjitha akuzat për abuzim.
Heard dëshmoi në këtë rast, duke argumentuar në një moment se Depp e kërcënoi se do ta vriste “disa herë”. Gjykata britanike vendosi se pretendimet e gazetës ishin “në thelb të vërteta” dhe nuk e lejoi Depp të apelonte vendimin.
2022
Padia e Depp për shpifje kundër Herd filloi në Virxhinia më 12 prill. Avokati i Heard tha në deklaratën hapëse se Depp “do të përpiqet ta kthejë këtë çështje në një telenovelë”. Johnny ka dëshmuar për përvojat e tij kur u rrit me një nënë që e abuzoi, abuzimin me substancat dhe marrëdhënien e trazuar me Heard.
Aktori 58-vjeçar pranoi në dëshminë e tij se ai dhe Heard kishin mosmarrëveshje gjatë marrëdhënies së tyre, por tha: “Nuk kam arritur kurrë në atë pikë që të godas zonjën Heard në asnjë mënyrë dhe nuk kam goditur ndonjëherë ndonjë grua në jetën time”. Gjyqi pritet të zgjasë gjashtë javë.
