Ambasadorja e Shteteve të Bashkuara të Amerikës, Yuri Kim është takuar me kreun e Këshillit të Emërimeve në Drejtësi, Ardian Dvorani, një ditë pasi presidenti Meta kërkoi nga Këshilli i Lartë Gjyqësor përfundimin e mandatit të Ardian Dvoranit në Gjykatën e Lartë dhe KED.
Përmes një postimi në rrjetet sociale, ambasadorja Kim bën me dije se bisedoi me gjyqtarin Dvorani për rëndësinë e pavarësisë dhe integritetit të institucioneve të drejtësisë.
Ajo shtoi se SHBA do të vazhdojë mbështetjen për implementimin e reformës së drejtësisë në Shqipëri.
“U takova me gjyqtarin Dvorani sot për të diskutuar për rëndësinë e pavarësisë, integritetit dhe eficiencës së institucioneve të drejtësisë. SHBA do të vazhdojë të mbështesë fuqimisht implementimin e reformës së drejtësisë në Shqipëri. Ka ardhur koha ta kthejmë harkun e historisë nga drejtësia”, shkruan kryediplomatja amerikane në Tiranë./Opinion.al
