Ambasadorja gjermane në vendin tonë, Susanne Schütz merrte pjesë në konferencen “sfidat e emigracionit” bashkë me kryeministrin Rama. Ajo u tregua mjaft e ashpër kur tha se shqiptarët s’kanë arsyer për të hyrë në azil, dhe i bëri thirrje qeverisë të krijojë kushte për punë këtu në Shqipëri.
“Nuk ka më persekutim politik”, tha ajo. “Kam dëgjuar shqiptarë që thonë duam punë dhe shërbim shëndetësor më të mirë, për këto të dyja qeveria duhet të punojë më fort sepse kjo nuk është arsye për të fituar statusin e azilantit. Rruga për të shkuar në Gjermani është përmes vizave të rregullta për punësim”, theksoi ajo.
“Tregu është i hapur për ata punëtorë të kualifikuar, nëse ata plotësojnë kushtet kanë mundësi të aplikojnë për viza punë dhe 3 mijë shqiptarë kanë përfituar në 2017 nga kjo. Bashkëpunimi me zyrën e punësimit ofron mundësi për të kualifikuarit në Shqipëri”, tha më tej ambasadorja gjermane.
/Opinion.al
