Ambasadori shqiptar në Pekin, Selim Belortaja ka thënë se përhapja e koronavirusit nuk është ndalur aspak.
Në një status në Facebook, ai shkruan se nuk ka vend për ekzagjerime si dhe për eufori. Sipas tij “numri i te infektuarve rritet me rreth 3000 ne ditë”, ndërsa vdekjet ditore “shkojnë 50-60”. Megjithatë ai shton se qeveria kineze është angazhuar plotësisht në gjetjen e një zgjidhjeje për këtë situatë.
Belortaja bën gjithashtu thirrje për shqiptarët, duke i nxitur të respektojnë rregullat dhe rekomandimet e autoriteteve dhe të vendosin vetë nëse duna ose jo të largohen nga Kina.
“I drejtohem sidomos motrave e vëllezërve shqiptare ne Kine. Sado të ashpra e vështirësuese që po bëhen për jetën e përditshme: ndiqni e respektoni kufizimet, rregullat e rekomandimet e autoriteteve këtu: administrative e higjeno-sanitare. Ato dine me shumë se ç’bëhet këtu. E dyta, merreni ne dore vete zgjedhjen tuaj per vendqendrimin keto javë! askush nuk ka zbuluar ndonje formule qe s’jua tregon juve! Askush s’ka ndonje platformë shteterore të rezervuar! merrni vendim te pjekur”, shkruan ai. /Opinion.al
