Ambasadori amerikan në Tiranë, Donald Lu vazhdon replikat me kreun e akuzës shqiptare, Adriatik Llalla. Ai deklaroi sot se nuk kam frikë nga përpjekjet për të minuar reformën në drejtësi, duke u zotuar se do ta çojë deri në fund reformën, si premtim ndaj shqiptarëve. Lu nuk foli për ndërhyrjet personale për të cilat e akuzoi Llalla, duke lënë të kuptohet se “betejën” e ka vetëm për reformën në drejtës.
Deklarata e plotë e Lu-së, e postuar në facebook e ambasadës amerikane
“Shtetet e Bashkuara kanë marrë një angazhim përpara popullit shqiptar për të monitoruar çdo hap të zbatimit të reformës në drejtësi. Asnjë përpjekje për të na frikësuar apo për të minuar procesin e reformës, nuk do të na pengojë që të sigurojmë që ajo do të jetë e suksesshme për të parandaluar manipulim politik dhe korrupsion në gjyqësor. Ky është një premtim.”
