PD duket se nuk ka pranuar as variantin e fundit të ambasadorëve për reformën në drejtësi. Variantin “hibrid” siç e quajti Viktoria Nuland që vizitoi Tiranën të dielën. Lajmin e bëri të ditur ambasadori amerikan Donald Lu, i cili tha se jam i zhgënjyer nga Basha.
“Ambasadori amerikan ka thënë se ajo që ka propozuar Basha nuk është në përputhje me opinionin e Venecias”, raporton TV NEWS 24.
“Jemi të zhgënjyer me përgjigjen e z. Basha ndaj propozimit hibrid për reformën në drejtësi”, tha Lu. Më tej sqaroi se “ne propozuam një zgjidhje në mirëbesimgjysmën nga qeveria dhe gjysmën nga opozita. z. Basha propozoi diçka që ai vetë ka pranuar se është në konflikt interesi dhe jo në përputhje me paragrafin 61 të Opinionit Përfundimtar të Komisionit të Venecias” , ka thënë.
Por duket se ambasadori nuk i ka humbur shpresat. “Jemi duke vazhduar bisedën me të dyja palët në përpjekje për t’i sjellë përsëri tek mbështetja për propozimin hibrid diskutuar nga NdihmësSekretarja Nuland të dielën”, tha Lu.
