Ambasadori italian, Alberto Cutillo ishte ne Shkodër ne kuader te festes se Republikes se Italise ne një sere aktivitetesh social kulturore. Ai zhvilloi një takim me të rinjtë në Shkodër dhe foli në lidhje me krizën politike në Shqipëri.
Zoti Cutillo e komentoi situatën e krijuar si anormale dhe zbuloi se vendet e BE po mbajnë shënimet e tyre në lidhje me zhvillimet në Shqipëri. Një nga çështjet kryesore të aktualitetit politik janë zgjedhjet e 30 qershorit. Diskursi tashmë nëse duhet të ketë zgjedhje apo jo i ka kaluar kufijtë e politikës. Për këtë çështje diplomati italian shprehet se është e vështirë të gjendet një përgjigje logjike. Por ai shton se shtyrja e zgjedhjeve pa një marrëveshje politike është si “një varr më keq se gropa”.
Në Shqipëri kemi mbërritur në një situatë komplekse ku disa parti që të paktën në dukje kanë mbështetje të fortë politike kanë vendosur të mos futen në zgjedhje. Në këtë pikë rregullat kanë devijuar dhe nuk mund të thuhet çfarë është më logjike, te zhvillohen zgjedhje apo te shtyhen çka do të sillte ndryshime në ligj dhe Kushtetutë.
Ndryshimi i dytë mund te jetë gjetja e një akordi e një marrëveshje, por në dijeninë time deri tani nuk ka, prandaj të shtysh zgjedhjet pa arritur në një marrëveshje mund të sillte probleme më të mëdha pasi sjell ndryshimin e Kushtetutës duke lejuar kështu shtyrje të vazhdueshme të zgjedhjeve dhe italianët e quajnë “një varr më të keq se gropa” por nuk janë sugjerime që më takojnë mua ti bëj” tha Cutillo.
Ambasadori foli edhe për procesin e integrimit të Shqipërisë në BE, duke qenë se para pak ditësh erdhi rekomandimi pozitiv nga Komisioni Europian. Ai veçoi tre skenarë të mundshëm që mund të përballet Shqipëria. Së pari është skenari më i mirë ku Këshilli aprovon hapjen e negociatave e cila parashikohet të jetë në fund të vitit. Skenari i dytë është refuzimi i çeljes së negociatave. Së fundmi është dhe një skenar i tretë i cili parashikon shtyrjen e datës për të marrë vendim. Këtë rast Cutillo e argumenton e dosja e është voluminoze dhe afati kohor nga 29 maj deri më 20 qershor mund të mos jetë i mjaftueshëm për disa shtete.
“Janë tre mundësi pas rekomandimit, e para është që në të gjitha vendet në unanimitet të aprvojnë çeljen e negociatave, kjo është dicka që shqiptarët dëshirojnë, por dhe Italia dhe populli italian dëshiron, por dhe pjesa me e madhe e vendeve është dakord me këtë mundësi. Kështu që mund të kishim një datë për çeljen e negociatave qe parashikohet ne fund vit.
E dyta është që ti mohohet çelja e negociatave. Mund të deklarohet që përsos rekomandimit ka akoma rrugë për të bërë dhe të përcaktohen modalitete të reja. Mundësia e tretë është që komisioni Europian të shtyj vendimin, kjo pasi mes rekomandimit me 29 maj dhe vendimit për negociatat me 20 qershor është një kohë e shkurtër. Dosja është voluminoze ndaj nuk do ishte çudi që ndonjë vend të thoshte që nuk kemi pasur kohe ta studionim“.
Cutillo u pyet dhe mbi shtetet skeptike për integrimin e Shqipërisë, teksa tha që nuk është ndonjë sekret që Franca dhe Holanda janë zëra kundër.
“Dihet tashmë që ka shtete që janë në mëdyshje por ka dhe shtete me lëvizje politike që janë kundër zgjerimit , jo vetëm me Shqipërinë. Nuk është surprizë të them që Franca dhe vendet e ulëta janë shprehur kundër. Holanda po diskuton ne parlament heqjen e vizave për Shqipërinë” tha ai. /Opinion.al
